QUE COUSA COUSIÑA É?
Ao longo dos obradoiros de O CARTAFOL os nenos e nenas de 5º curso do CEIP de Vilaverde-Mourente tamén tiveron tempo de construír adiviñas de animais. A ver quen as acerta todas!
Alfombra golosa con ganas de mel
que cando se aburre pasea polo Courel.
Bocoi enorme con moito estilo,
pesca un salmón nun río moi frío.
Abano de mil ollos
do monte alto do norte,
lapislázuli que camiña lento
presumindo ante a súa corte.
Mapa que corre sen parar
do principio ao final.
Na selva comerá.
Peluche, meu bonitiño!
Na hora de xantar
ruxe ruxe sen parar. Quen é?
Lentella, lentelliña,
que come pulgóns
para aliviar a barriguiña.
Semente que voa polo prado
buscando moitas flores
voando por todos lados.
Amarela coma o sol voa e ten boca
que non fai ningún son.
Lúas que iluminan o monte,
é o mellor vixiante das estrelas na noite;
é a estrela que se agocha baixo a ponte.
Sobre as pólas das altas árbores
el comparte os seus mellores cantares,
está afastado de todos os mares.
Que é?
Nun prado calquera vive un animal,
diamantes negros que non me miran mal.
E por riba, quen pasa?
Algodón que me leva a colleita para a casa.
Tutú de bailarina que flota na auga,
pompa de xabón que arrastra a marea.
Aparece coma o aire na area,
escorregadiza coma un peixe,
non a pises, ou saberás dela.
Felpudo que vai camiñando
polo grande deserto
en busca de auga e de alimento.
Manchas de tinta na pel,
que é branca coma o papel,
para espantar as moscas,
no cu ten un pincel.
">
O cartafol do Lérez 