Saltar ao contido

COPLAS PARA O NOSO MUNDO

7 Xuño 2012

 

Os alumnos de quinto curso do CEIP de Marcón reflexionaron sobre o noso medio ambiente, o noso entorno, a cidade de Pontevedra; a partir da lectura da Historia do Rainbow Warrior, de Rocío Martínez, para presentarnos as súas inquedanzas, os problemas da nosa sociedade, o moito que temos que varrer a nosa casa. Botádelle un ollo e probade a cantar estas coplas ecolóxicas.

Tanta contaminación

non se pode permitir

porque mata seres vivos

hai moito que reducir

                                             Miguel Mártinez Cobas

Para non contaminar

a papeleira hai que usar

en vez de empregar o mar

e mellor reutilizar

                                                     Anxo Cabaleiro Raposeiras

Celulosas van traer

para o monte de Marcón

o aire destrozará,

non lle vexo solución

                                                        Anxo Cabaleiro Raposeiras,

                                                                     Alba Cons M., Yolanda González V.

Imos cumplir os tres erres,

non tirar máis lixo ao río,

o mar temos que coidar,

e tirar non permitilo.

                                                             Ana Carolina Montes González

Por aquel mundo de soños

temos un mundo mellor,

contaminación de fóra,

e sen ningún cazador.

                                                          Ana Carolina Montes González

As fábricas que contaminan

non podemos permitilo,

temos que reutilizar,

non te me quedes durmido.

                                             Alejandra Tomé Portela

As baleas son cazadas

con xigantescos arpóns,

tamén mataron as crías,

non teñen nin compaixón.

                                             Alejandra Tomé Portela

Os nosos pequenos montes

non se poden estragar

como nas nosas Fraguiñas

isto é para chorar.

                                 Alba Cons Mariño

 

Van facer un hospital

neste monte de Marcón,

disque vai ser tan enorme

que destrozará un  montón.

                                 Alba Cons Mariño

A nosa illa de Tambo

sofre contaminación

temos que coidala moito

e haberá emoción.

                                                                           Alba Cons Mariño e Yolanda González

Paseando por Peralba

atopeime cun rapaz

tirando o lixo ao río

a azouta que vai levar.

                                               Yolanda González Veiga

Paseando polo bosque

vin un mar contaminado

con dúas baleas mortas

que furiosos estabamos.

                                          Nerea Soliño Nogueira

Paseando por Marcón

mirei un rapaz malo,

contaminando á terra

que enfadados estamos.

                               Nerea e Carolina

Se nos non contaminamos 

a terra vai estar limpa

se todos colaboramos

será unha nova vida.

                                               Carmen Mociño Barreiro

Hoxe en día cos teléfonos

a xente non se levanta,

ou na cama ou no sofá,

sempre debaixo da manta.

                                               Carmen Mociño Barreiro

 A ría de Pontevedra

está moi contaminada

por culpa da celulosa

que está moi mal situada.

                                              Carmen Mociño Barreiro

 

Pero tamén, na primeira sesión nos atrevemos con coplas que falan de gaitas, de ovellas, de castiñeiros e montes, de Marcón… unha serie enteira de coplas divertidas que naceron a partir dunha copla antiga do lugar de Marcón recollida por Casto Sampedro i Folgar no seu Cancioneiro galego. Atrevédevos a cantalas, xa veredes que ben, coa música da Carolina ou do Pirimpinpín…

Mentres canto por Marcón

sei que algo vai pasar

pero non  esperaría

que me querían pisar.

                                                   Anxo Cabaleiro Raposeiras

Cando ía de paseo

encontreime cunha ovella

e a pobriña rabeou

e busqueille unha parella.

                                                     Patrick Schramm Martínez

Esta casa que tiñamos

esta que se cae a cachos

nós pensamos reformala

pero non temos nin zapatos.

                                                Alejandra Tomé Portela

Alá enriba con Alberto

cortamos un castiñeiro

e moi ben nos escornou

un pequeniño carneiro.

                                                            Ana Carolina Montes González

Este camión que eu teño

o teño en moi mal estado

que vota as rodas pa fóra

que mal é o seu estado

                                             Miguel Martínez Cobas

O madrileño que levo

é de carne dunha ovella

inda onte perdeu peso

hoxe está que rabea.

                                             Nerea Soliño Nogueira

Cando ía por marcón

atopei coa miña tía

ía co seu can pequeno

non sabes como se ría.

                                                 Carmen Mariño Barreiro

Paseando por Marcón

co meu pequeno canciño

encontrei unha pelota

para o can xogar comigo

                                                     Cristopher Cabadas André

Camiñando por Salcedo

atopei á miña prima

díxome imos para casa

que me espera unha amiga.

                                                     Yolanda Gonzáleza Veiga

Paseando por Marcón

atopei a unha amiga

e lle preguntei que pasa?

seica era miña prima

                                    Alba Cons Mariño

Esta gaita que eu teño

é do pelo dun coello,

que hoxe comeu cenorias;

toca agora que dá medo.

                                                             Esther Filgueira Quintáns

Advertisements
No comments yet

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

%d bloggers like this: